泰拍耶

營業中

休息中

星期三收工想去AEON買平野，買完野見到呢間泰國餐廳好多人排隊，好似好吸引，決定入去試一試。餐牌有好多不同選擇，有好多款唔同套餐。我同朋友冇叫到套餐，單點咗扎肉沙律，椰汁雞湯，黃咖喱，蛋包大蝦炒金邊粉同馬拉盞炒通菜。飲品方面叫咗龍眼冰同椰汁冰。~~扎肉沙律食落酸酸辣辣，好開胃。扎肉份量都好多。~~椰汁雞湯好香椰汁味，飲落酸酸地，但唔辣。好啱唔食得辣既朋友仔。D雞肉食落都好嫩滑。~~黃咖喱好惹味，好香椰漿味。D雞同薯仔都吸曬d咖喱汁，好好味。~~蛋包大蝦炒金邊粉賣相好靚。份量都好多，味道岩岩好，吾會太酸，好有鑊氣。D大蝦食落都好彈牙。~~馬拉盞炒通菜好有鑊氣。D通菜炒得好入味，食落辣辣地，好惹味。~~龍眼冰好多龍眼肉，好清甜。~~椰汁冰好重椰汁味，唔會太甜。