阿叔泰麵 (西菁街) (已結業)

去泰國最喜歡食船麵, 成日都好懷念嗰種好特別嘅湯底, 香港亦越來越多地方有船麵食,今次就試吓呢間元朗人氣店先店外裝潢走鄉村風, 有搶眼黃色窗門, 亦有復古木枱凳進入餐廳牆上畫咗好多壁畫, 好有泰國風, 都頗有特色我揀咗牛肉船麵, 牛腩整得好淋, 又夠入味, 湯底十分香濃, 飲落唔會口渴。船麵配料包括: 炸豬皮、肉丸、芽菜、通菜和花生碎。豬皮炸到脆卜卜, 肉丸又彈牙, 成碗麵都好正麵條幼身爽口, 咬落有口感, 好易吸收晒湯嘅精華, 真係好惹味朋友叫咗豬手飯, 正宗泰式滷水味道, 豬手份量足, 仲去埋骨, 食落啖啖肉, 再加上炆得好腍入味, 撈埋酸菜真係好開胃