影片
更多
2023-07-14
17 瀏覽
我一向係酸酸辣辣泰國食物嘅忠實fans 。今日收工，就同朋友嚟到尖沙咀iSquare試吓呢一間Boat Tai。餐廳好新淨，我亦都好鍾意佢嘅紅磚配木櫈，牆上有霓虹燈嘅裝修，打卡唔錢！座位都好闊落，坐得好舒服。我哋試咗泰國菜必食嘅：- 冬陰功湯一上枱就見到勁大隻蝦！而且配料好足，湯落足料去煮，好夠椰香。酸酸辣辣，好醒胃。- 泰式柚子沙律勁多柚子！！仲要相當新鮮，完全唔酸。加埋花生碎同櫻花蝦毛，好夾好好食。- 泰式肉碎生菜包令我驚艷！肉碎炒得好乾身，因為唔會濕納納，調味好夠，同埋做到喺泰國食到嘅又酸又辣，非常好。而生菜都好新鮮，好爽脆。極度推薦！- 青咖喱雞配飯青咖喱唔會太辣，椰香重，而且雞都好多舊，配飯一流！我哋仲試咗菠蘿冰。鍾意佢唔係用好假嗰啲罐頭菠蘿汁，而係食到菠蘿蓉嘅菠蘿冰。當然冇罐頭菠蘿嗰種甜味，不過淡香菠蘿正好解膩！其實仲有好多嘢想試，但真係食唔落！價錢合理，但又好食，等下次再嚟啦！
餐廳好新淨，我亦都好鍾意佢嘅紅磚配木櫈，牆上有霓虹燈嘅裝修，打卡唔錢！座位都好闊落，坐得好舒服。
我哋試咗泰國菜必食嘅：
- 冬陰功湯
一上枱就見到勁大隻蝦！而且配料好足，湯落足料去煮，好夠椰香。酸酸辣辣，好醒胃。
- 泰式柚子沙律
勁多柚子！！仲要相當新鮮，完全唔酸。加埋花生碎同櫻花蝦毛，好夾好好食。
- 泰式肉碎生菜包
令我驚艷！肉碎炒得好乾身，因為唔會濕納納，調味好夠，同埋做到喺泰國食到嘅又酸又辣，非常好。而生菜都好新鮮，好爽脆。極度推薦！
- 青咖喱雞配飯青咖喱唔會太辣，椰香重，而且雞都好多舊，配飯一流！
我哋仲試咗菠蘿冰。鍾意佢唔係用好假嗰啲罐頭菠蘿汁，而係食到菠蘿蓉嘅菠蘿冰。當然冇罐頭菠蘿嗰種甜味，不過淡香菠蘿正好解膩！
其實仲有好多嘢想試，但真係食唔落！價錢合理，但又好食，等下次再嚟啦！
張貼
