Greyhound Café (新城市廣場) (已結業)

朋友話呢間餐廳嘅lunch好好食，想試咗好耐，但次次都好多人。點知呢日比我見到無乜人，就即刻入去試一試！睇完個menu都覺得有少貴，不過以新城市廣場黎計都可以接受。間餐廳地方都好大，人都唔算多，自己就點左個泰式豬肉丸湯河，除咗有豬肉丸之外，佢仲有好多塊豬肉，一啲都唔慳！佢個湯底非常濃郁，令人一飲再飲，但粉方面就少左啲，男仔就可能未必夠食。跟餐有杯嘢飲，我揀左iced lemon tea，同港式檸檬茶嘅感覺好唔同，好有東南亞風味！正！因為佢嘅蛋糕無想要嘅味道，所以就無特別試