阿叔泰麵 (西菁街) (已結業)

今日忙到lunch都冇食，一放工快快脆脆醫飽個肚子先。呢間泰麵成日經過門口都想試下，今日就唔好再想，坐言起行。雖然餐廳旁邊都係d整車鋪頭，但佢橙黃色門面都幾sharp。入到去裝修都幾靚喎，兩邊牆身係泰國麵嘅漫畫風格，天花有唔同嘅吊飾，絕不單調，再播住泰國歌，除左味蕾嘅享受，仲比食客視覺及聽覺嘅刺激，充滿泰國嘅風情。船麵其實係咩？其實船麵係以前泰國水上市場傳統小吃，係船上售賣，船麵最大特色係加香料燉煮嘅肉湯，湯底味道濃郁，會加入豬血或牛血熬製，不過湯唔會有有血腥味。餐廳除左船麵，另外都有飯供應，亦都可以配小食及特式飲品，不過我當然要試下船麵啦，所以order左1個牛肉船麵（金邊粉），香茅魚露雞翼同泰式玫瑰奶茶。店裏冷氣都幾強，等候期間覺得有d凍，著返件外套時，轉頭店員遞上杯熱水，非常體貼💯💯，非常多謝你❤牛肉船麵，有牛腩、牛丸，配菜有芽菜、通菜、花生碎同炸豬皮。呢個船麵已經係進化版，唔再係細細碗，兩、三啖就食晒，相反佢份量仲要好多。先黎飲個頭啖湯試下味先，牛骨湯濃郁鮮甜，牛腩夠香，牛丸彈牙。阿叔仲有個小tips，加入魚露、白醋、白糖同辣椒粉，湯底鮮味會提升，不妨一試。香茅魚露雞翼，炸得幾