阿叔泰麵 (西菁街) (已結業)

西菁街多野食就出晒名，是晚同朋友黎左阿叔泰麵食泰國菜，位置在西菁街轉彎位，都幾唔顯眼😂好彩有朋友帶路。🍲冬蔭功湯麵聽講阿叔出名船麵，本身想叫但朋友又話想飲冬蔭功湯，咁就轉叫冬蔭功湯麵啦。湯底酸酸辣辣好開胃，頭幾啖都幾酸，食多幾啖辣勁漸漸出黎，味濃香滑幾好味。麵底有幾樣選擇，揀左要粉絲，吸湯一流🤤🌶️火辣阿嫂青木瓜沙律再黎一個開胃小食木瓜沙律，餐牌上有四隻辣椒，先試一口，嘩嘩～真係幾辣喎，但辣得黎又過引，木瓜好爽口，越食越開胃😆🥬飛天通菜好惹味的炒通菜，重蒜香帶微辣，通菜有著滿滿的醬汁，如果有碗白飯就正啦😆🐖阿萊燒豬頸肉咁多菜就叫返碟肉平衡下，豬頸肉燒得焦香，肉質軟嫩，厚切有咬口，正呀😍🍋蝶荳花檸檬蜂蜜特飲&🐘象啤仲叫左特飲同啤酒，蝶荳檸檬幾靚，紫紫黃黃打卡一流，味道係檸檬味較重，酸酸地幾好味。至於泰象啤嘛，很出名都唔需要介紹了啦，啤酒配酸辣食物就係夾啦😜好味好味，果然無介紹錯，又多一個食泰國菜的好地方。