泰玖 (已結業)

荃灣福來邨附近呢多咗好多餐廳進駐，除咗多餐廳之外，亦有一間好出名嘅泰國餐廳！佢除咗樓底兩層高之外，餐廳闊落裝修風格亦都非常之時尚！唔同嘅顏色配搭，令到餐廳更加有活力！裝修走型格工業風！再加上餐廳平時都會有做唔同嘅特價優惠套餐，今次我哋主打食晚餐！除咗感受吓荃灣嘅夜景有幾靚之外，都可以試吓佢哋好王牌嘅食物！CP值高，抵食又大件，食物的定價都好貼地，仲有午市套餐。今次食佢哋嘅王牌菜，鹹蛋黃金炒軟殼蟹：每一粒黃金都依附，住喺每一個軟殼蟹位置！絕對感受到軟殼蟹拼上鹹蛋黃金嘅味道！非常之香脆同埋非常之好味！之後再配咗個泰式椰子雞湯：除咗椰子雞湯香滑之外，雞肉嘅份量，一啲都唔少！再加上湯底亦都非常之份量大好抵飲！椰子雞肉，非常嫩滑，再配合湯底非常酸甜好開胃！飲完湯之後再配上飲品！今次選擇咗佢哋嘅芒果活性乳酸菌司樂冰！除咗淡淡香芒果味之外，亦都有、芒果肉又可以飲又可以食非常之正！#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處荃灣曹公坊5號地舖餐廳:泰玖(荃灣) Thai nine