影片
更多
2018-10-02
2311 瀏覽
今晚肥妹仔去咗觀塘apm嘅一間燒肉店食燒肉放題，入邊有唔同級別嘅放題，肥妹仔同屋企人就揀咗頂級澳洲和牛放題。咁啱肥妹仔今晚去食嘅時候呢一間日式放題搞緊泰國主題，所以除咗一般嘅燒肉放題之外，仲有好多特色嘅泰式小食可以食， 真係未食都覺得好吸引呀。泡菜三色拼盤呢一個拼盤有泡菜，醃蘿蔔同埋醃青瓜，食落去酸酸微辣，好開胃。菠蘿，蕃薯仔 肥妹仔每一次食燒肉必叫嘅菜式，菠蘿燒過真係會特別甜，番薯仔亦都夠咬口，粉粉的，香甜好好食。泰式青木瓜海賊沙律難得做緊泰國主題又點可以唔叫佢一啲特色嘅泰式小食呢？呢一個泰式沙律食落去酸酸辣辣，柚子清甜，沙律菜亦夠新鮮，再加上一些花生粉，食落去好香好食。味付特色帶子裙邊，味付螺肉，韓式芽菜等緊上肉嘅時候肥妹仔都叫咗呢一啲小食嘅，帶子裙邊爽，口螺肉亦都夠爽口，芽菜就有好香麻油味，不錯。澳洲產特選和牛盛合總括嚟講佢嘅牛肉好新鮮，可以一次過食唔同嘅部位，牛味頗濃，而且好多肉類店家都先前醃好過，所以食落去基本上已經唔駛再點任何醬汁已經夠味，不錯。海蝦，鮮魷魚，帶子肥媽就主攻海鮮類，海蝦好大隻，肉質爽口彈牙，肥媽讚不絕口!原隻魷魚亦都不錯,事前已醃好味，食落去好濃味， 而帶子
今晚肥妹仔去咗觀塘apm嘅一間燒肉店食燒肉放題，入邊有唔同級別嘅放題，肥妹仔同屋企人就揀咗頂級澳洲和牛放題。
咁啱肥妹仔今晚去食嘅時候呢一間日式放題搞緊泰國主題，所以除咗一般嘅燒肉放題之外，仲有好多特色嘅泰式小食可以食， 真係未食都覺得好吸引呀。
泡菜三色拼盤
呢一個拼盤有泡菜，醃蘿蔔同埋醃青瓜，食落去酸酸微辣，好開胃。
菠蘿，蕃薯仔
肥妹仔每一次食燒肉必叫嘅菜式，菠蘿燒過真係會特別甜，番薯仔亦都夠咬口，粉粉的，香甜好好食。
泰式青木瓜海賊沙律
難得做緊泰國主題又點可以唔叫佢一啲特色嘅泰式小食呢？呢一個泰式沙律食落去酸酸辣辣，柚子清甜，沙律菜亦夠新鮮，再加上一些花生粉，食落去好香好食。
味付特色帶子裙邊，味付螺肉，韓式芽菜
等緊上肉嘅時候肥妹仔都叫咗呢一啲小食嘅，帶子裙邊爽，口螺肉亦都夠爽口，芽菜就有好香麻油味，不錯。
澳洲產特選和牛盛合
總括嚟講佢嘅牛肉好新鮮，可以一次過食唔同嘅部位，牛味頗濃，而且好多肉類店家都先前醃好過，所以食落去基本上已經唔駛再點任何醬汁已經夠味，不錯。
海蝦，鮮魷魚，帶子
肥媽就主攻海鮮類，海蝦好大隻，肉質爽口彈牙，肥媽讚不絕口!原隻魷魚亦都不錯,事前已醃好味，食落去好濃味， 而帶子就好香牛油味，細細粒， 一口一粒不錯。
豬頸肉
豬頸肉好爽口，而且食落去都幾軟諗。
蔥花牛舌
必要嘅菜式之一，牛舌切得薄薄地， 一燒再包著蔥花一齊食超香。
日式凍豆腐
每一份凍豆腐都細細份，淋上日式醬油，好清新，好解膩。
雞軟骨串，雞腎串
肥妹仔叫咗好多串雞軟骨同雞腎串食，因為自己燒可以掌握火喉。雞軟骨燒到脆卜卜，雞腎亦燒得香脆可口，厚肉，好好食。
溫泉蛋飯
重碳水化合物嘅妹妹仔我又點會唔要溫泉蛋飯食呢？溫泉蛋煮得剛剛好，超濃蛋黃味，撈埋碗飯同醬油蔥花，超級好食。
冬陰功湯
上檯嘅石鍋仲係超級熱，裏面嘅冬陰功湯全部都熱到起泡泡，典型嘅泰式冬陰功味，酸酸辣辣，好香香料嘅味道。入面亦有好多海鮮材料，有青口，魷魚，海蝦，豆腐等等，做得不錯。
手工芒果糯米飯雪條
成餐飯肥妹仔其實最期待就係呢一條雪條!肥妹仔係未食過芒果糯米飯嘅雪條，唔好講笑，呢一條雪條真係有軟諗嘅糯米飯，上面係椰汁，下面就有糯米飯，食落去好有特色，亦都好濃嘅椰子同芒果味，超級好食。
雪糕
不用多講，呢一款牌子嘅雪糕簡直係冇得輸!
張貼
