Boat Thai

營業中

休息中

系I square 睇完戲去左呢間泰國餐廳食tea，餐廳以泰北菜為主，所以部分食物會偏辣，但餐廳就返香港人口味，個人覺得辣度可以接受。泰北牛肉沙律 $88夏天特別愛食沙律，呢個沙律以西芹、韭菜、洋蔥、青瓜、蕃茄為主，薄片牛肉醃得幾入味，酸酸辣辣，凍食幾開胃。炸蝦餅 $58蝦餅炸到金黃色，彈牙好食！泰式紅咖哩魚餅 $78魚餅顏色偏紅，相信系因為加左紅咖哩既關係，食落吾辣。泰北清邁雞脾咖哩湯麵 $78系餐牌見到已經被吸引既咖哩湯麵，仲配左一整隻雞髀，雞髀肉夠淋。咖哩湯底味道好濃郁，幾杰身，咖哩香帶微微辣，配幼麵吸汁，好惹味。