定食 Doraya (駱克道)

營業中

休息中

7點三開始排,排隊排左九個字,一黎衣間野應該都幾老字號,多人排隊;二黎佢入面真係細,所以要等黎咁上下時間.為左節省大家時間,可以係門口事先睇好左食咩先,吾好入到去先慢慢諗啦.泡菜吞拿魚飯定食$118。其實我本身就吾好魚生，所以真係未食過一碗碗ＧＥ魚生蓋飯，不過今次見佢竟然有泡菜？！我深信泡菜味係可以去魚鯹味，所以就好大膽咁試我ＧＥ第一次啦！！不出所料，個飯真係吾會鯹，而且吞拿魚粒的大小剛好，粒粒都新鮮好味！吾知係咪因為有泡菜，所以我個飯係冇芥末的。泡菜好有泡菜味，吾會好辣，好好食！不過個碗睇落吾大，但份量就對我黎講好多，好好味但食吾曬。魚腩蓉飯定食$125(追加三文魚子$50)。朋友叫的，我吾鐘意衣種碎生肉ＧＥ感覺，同埋好鯹，不過加埋三文魚子再加Ｄ芥末就好少少，各花入各眼。炸雞球5件$54。好香!D炸皮冇同Ｄ肉分離，都吾會出油，炸得幾乾身，有七味粉同檸檬。不過個肉有少少咸，我諗炸物通常都係咁的？本身都吾太好炸ＧＥ，食左一件咁啦～已飽。