朝陽越泰

營業中

休息中

上年11月有嚟食過覺得幾好食，個湯底幾好飲，有正宗越南牛骨湯嘅味道。但係今次食，個湯好油，完全唔係越南河粉嘅湯底，變咗普通河粉。味道似魚蛋河嗰啲普通河粉味，懷疑轉咗中國河粉所以先至咁油。碗生牛肉河粉，只有三大片牛肉，肉質幾嚡，麻麻哋。豬頸肉就比以前出色，上年啲豬頸肉就燒得唔夠耐。今次嘅豬頸肉係有脆邊，好食😋不過唔知佢喺上面加啲蔥油做乜，有啲多餘。凍檸茶少甜，有幫我少到甜，正宗港式凍檸茶嘅味道。上年嘅湯頭係清澈嘅牛骨湯，唔會油膩，好食啲。