和氣食堂 (河畔花園)

營業中

休息中

今日約左朋友仔係沙田河畔個度食飯，大家都想食日本菜，所以就去左和氣食堂。我叫左極強特盛定食 (HKD 148) 有刺身壽司同燒黑豚腩丼，軟殼蟹沙律，同跟餐飲，而我就要左忌廉。刺身壽司有6款咁多，分別係火炙左口魚邊壽司，油甘魚壽司，帆立貝壽司，珍寶赤蝦壽司，海膽壽司，三文魚籽壽司。壽司非常新鮮，左口魚同油甘魚色澤鮮豔，入口即溶，正。帆立貝同赤蝦都係珍寶size，非常厚肉鮮嫩，冇得頂呀。海膽同三文魚籽分量黎講非常大，最重要係一啲都唔腥而且好好味添。至於個燒黑豚腩丼，賣相唔錯，黑豚腩非常瘦，唔韌好稔，醬汁同珍珠飯非常夾。個沙律有好多沙律菜，又有蕃茄，蟹籽，青瓜同栗米，好足料呀，最重要係隻軟殼蟹好大隻又好好味。另外，追加左麵豉湯，兩款小食(HKD 16)。 呢兩款小食我選擇左炸蝦卷同三文魚壽司(2件)。 麵豉湯非常足料，唔咸，好清甜。三文魚好大塊同好鮮甜，炸蝦就熱辣辣 。兩者都好好味。非常肚餓既我食完呢次極強特盛定食感到史無前例既滿足。