田浦食肉

營業中

休息中

好耐冇食韓燒啦，今日同好耐冇見嘅同事過嚟石門gathering，點咗個烤豬肉套餐 (五花肉＋豬頸肉)，原來有專人幫手燒既，咁我唔客氣啦🥢，五花肉燒完之後肥瘦均勻，入口鮮嫩，外面香脆。至於豬頸肉燒完就比較爽口。用生菜包住再夾埋啲配菜一齊食真係好滿足呀。雞蛋羹由芝士、蘿蔔絲、粟米粒、蔥粒製作而成，個賣相真係幾吸引，入口蛋味濃郁，口感香滑，配白飯一流。水冷麵同事話食完熱辣辣嘅嘢梗係要食返個水冷麵降下溫，本身唔好水冷麵嘅我，試完一啖發覺又OK喎，覺得幾fresh，中和晒食燒肉嘅油膩感。