影片
更多
2019-11-12
179 瀏覽
因為就來放假，所以午餐食好點去左食日本野！呢間店地方唔大，但坐得都幾闊落^^佢菜單有平有貴，睇落性價比好高，60幾蚊已經有魚生丼定食！勁平！ 不過今日好肚餓，所以就叫左個a13,和氣極強特盛定食，$148無加一，除左有軟殼蟹沙律同野飲，仲有燒黑豚腩丼同埋6件壽司定食，好豐富！佢仲可以+10幾蚊追加兩個小食，但係因為實在食唔晒一個人，所以就無叫啦～淨係叫咗一個a13~ 第一個嚟嘅係燒黑豚腩肉丼，十分之驚喜，雖然佢話自己係細份量，但其實一啲都唔細，對面搭台個女仔同我一樣都驚訝緊份量咁大怕食唔完（佢仲叫埋小食🤣🤣🤣）燒汁甜甜香香，好味過吉野家，上面有好多蔥花，一啲都唔會好油膩，最過分嘅梗係黑豚腩肉啦，呢個部位充滿油香冇得輸，同埋望吓嗰邊！佢係笑得非常焦香，真係外邊脆入邊滑又多汁，做得非常之好十分之推介！ 軟殼蟹沙律都嚇親我，因為都係好大份！佢呢一個入邊有埋蟹籽，提升味道層次都幾豐富，有粟米蕃茄生菜等等，軟殼蟹係溫溫熱熱嘅啱啱炸起，所以就會好脆，唔會話比沙律浸到林晒或者係好硬，軟殼蟹當然就唔會好多肉，不過佢嗰種蟹嘅口感同埋海鮮嘅香脆都有出到嚟，唔錯喔！ 壽司方面，雖然呢個好平，但係
不過今日好肚餓，所以就叫左個a13,和氣極強特盛定食，$148無加一，除左有軟殼蟹沙律同野飲，仲有燒黑豚腩丼同埋6件壽司定食，好豐富！佢仲可以+10幾蚊追加兩個小食，但係因為實在食唔晒一個人，所以就無叫啦～淨係叫咗一個a13~
A13 定食
$148
24 瀏覽
0 讚好
0 留言
第一個嚟嘅係燒黑豚腩肉丼，十分之驚喜，雖然佢話自己係細份量，但其實一啲都唔細，對面搭台個女仔同我一樣都驚訝緊份量咁大怕食唔完（佢仲叫埋小食🤣🤣🤣）燒汁甜甜香香，好味過吉野家，上面有好多蔥花，一啲都唔會好油膩，最過分嘅梗係黑豚腩肉啦，呢個部位充滿油香冇得輸，同埋望吓嗰邊！佢係笑得非常焦香，真係外邊脆入邊滑又多汁，做得非常之好十分之推介！
燒黑豚腩丼
22 瀏覽
0 讚好
0 留言
軟殼蟹沙律都嚇親我，因為都係好大份！佢呢一個入邊有埋蟹籽，提升味道層次都幾豐富，有粟米蕃茄生菜等等，軟殼蟹係溫溫熱熱嘅啱啱炸起，所以就會好脆，唔會話比沙律浸到林晒或者係好硬，軟殼蟹當然就唔會好多肉，不過佢嗰種蟹嘅口感同埋海鮮嘅香脆都有出到嚟，唔錯喔！
軟殼蟹沙律
18 瀏覽
0 讚好
0 留言
壽司方面，雖然呢個好平，但係用料一啲都唔頹！有左口魚、海膽、三文魚籽、珍寶赤蝦、油甘魚、帆立貝，個人推薦嘅就係珍寶赤蝦，當初以為有七件，原來有一件係蝦頭，一拎起啲蝦膏流晒出嚟，絕對唔係爭鮮嗰種好薄嘅甜蝦，超級值得一試，唔腥，非常之鮮甜，蝦肉彈牙爽口！另外油甘魚同埋帆立貝都係極之厚切，口感好好，魚生質素都幾新鮮，值得一讚！
三文魚籽壽司
19 瀏覽
0 讚好
0 留言
油甘魚壽司
23 瀏覽
0 讚好
0 留言
珍寶赤蝦壽司
12 瀏覽
0 讚好
0 留言
呢間係用電話Scan QR code落單,所以都幾方便,同埋食物質素都非常之好,午市無+1就更加抵啦，應該都會再去幫襯，不過地理位置就偏遠左少少喺沙田站行大概都要15分鐘，如果得閒嘅話值得一去㗎！
張貼
