廢茶 (京瑞廣場2期)

營業中

休息中

今日同朋友去咗有沙田小深圳之稱嘅石門行街，行到攰攰地想搵個地方嘆返杯肥仔水，就見到呢間「廢茶」，見到個名咁得意，忍唔住同朋友買返杯嘢飲下同食吓！.我哋叫咗杯飲品同兩份小食。飲品方面，我地叫咗杯「花漾檸華」花漾檸華係用咗新鮮檸檬汁同桂花蜜沖泡，酸酸甜甜，好解渴。poster大大隻字寫住全港首創桂花愛玉架！飲落去又真係算係幾特別推薦大家試試！.小食方面，我哋叫咗份「台式手抓餅 火腿芝士」同「芋泥肉鬆夾餅」。台式手抓餅好脆，火腿同芝士都好足料，好好味。芋泥肉鬆夾餅都好正，芋泥好香，肉鬆都好鬆化。.整體嚟講，我哋都幾滿意呢間「廢茶」。飲品同小食都好好味，環境又舒服，下次嚟石門一定會再嚟。