影片
更多
2022-02-27
24 瀏覽
沙田新開左一間台式便當，喺沙田新城市廣場隔離。見到選擇都有好多，有便當有麵食，仲有各式小食同埋台式嘅冷泡茶，價錢由$58至到$72不等，送埋嘢飲，加$12仲有小食添，見到佢都幾多人買又好抵食就一於試吓啦~🍴逢甲香烤豬軟骨便當 $72 (9/10)便當嘅份量好足好豐富，有豬軟骨粟米，小棠菜，蓮藕，木耳，台灣腸，煎蛋餅。豬軟骨有四舊，肉質超級軟諗，軟骨超級爽口，甜甜地好入味，勁好食！配料都幾好食，睇得出成個便當都係有心思去整，加埋其他配料成個飯好豐富，啖啖都有餸送飯！🍴士林鹽酥大雞腿手工湯麵 $62 (8/10)勁大隻雞髀，店舖好貼心切開咗兩份，方便食，雞髀炸得啱啱好，外脆內軟，有鹽酥嘅味道，肉質都唔會乾，幾好食，不過有啲似港式嘅炸雞髀🍗手工麵係幼麵嚟嘅，比較煙韌，有口感，湯底有滷肉粒，有一條菜，滷肉粒都幾好食，鹹鹹地咁，就咁食個麵都好夠味！🍴鹽酥雞 +$12 (7.8/10)鹽酥雞有六粒，$12有六粒都幾抵，鹹鹹地，肉質比較紮實，乾咗少少，有九層塔嘅香味，都幾香口。🍴台灣涼拌豬耳 +$12 (8/10)涼拌豬耳一啲都唔辣，豬耳滷得好入味，外淋內脆，軟骨個位都好爽口，份量都好多，幾好食！🍵
🍴逢甲香烤豬軟骨便當 $72 (9/10)
便當嘅份量好足好豐富，有豬軟骨粟米，小棠菜，蓮藕，木耳，台灣腸，煎蛋餅。豬軟骨有四舊，肉質超級軟諗，軟骨超級爽口，甜甜地好入味，勁好食！配料都幾好食，睇得出成個便當都係有心思去整，加埋其他配料成個飯好豐富，啖啖都有餸送飯！
🍴士林鹽酥大雞腿手工湯麵 $62 (8/10)
勁大隻雞髀，店舖好貼心切開咗兩份，方便食，雞髀炸得啱啱好，外脆內軟，有鹽酥嘅味道，肉質都唔會乾，幾好食，不過有啲似港式嘅炸雞髀🍗手工麵係幼麵嚟嘅，比較煙韌，有口感，湯底有滷肉粒，有一條菜，滷肉粒都幾好食，鹹鹹地咁，就咁食個麵都好夠味！
🍴鹽酥雞 +$12 (7.8/10)
鹽酥雞有六粒，$12有六粒都幾抵，鹹鹹地，肉質比較紮實，乾咗少少，有九層塔嘅香味，都幾香口。
🍴台灣涼拌豬耳 +$12 (8/10)
涼拌豬耳一啲都唔辣，豬耳滷得好入味，外淋內脆，軟骨個位都好爽口，份量都好多，幾好食！
🍵油切綠茶 (9/10)
綠茶好香濃，好清香，幾好飲。欣賞用個樽，未飲晒都可以俾你帶走！
🍵日本焙茶 (9/10)
焙茶比較甘香，好香濃，真係飲得出茶係烘焙過，幾好飲！雖然係免費贈送嘅茶，但一啲都唔馬虎。
張貼
