Sky726

營業中

休息中

餐廳大約可容納50人，有接近一半都係窗邊位，雖然只係晚市時段既開端，但已經有十幾個客人。環境佈置都幾有格調，每張檯上都有小蠟燭。 餐廳好好咁安排咗window seat比我地。雖然入咗座拎住menu，但我地都沉醉咗係望窗外既日落餘暉城景，位處係25樓，附近都無乜遮擋，可以好好咁欣賞景色。慢煮黑毛豬鞍扒配黑醋汁及牛肝菌醬 $188 6.5/10侍應上菜時有介紹返呢道慢煮菜式用時超過16小時，可以將肉汁鎖住得黎又唔會令到肉變老，連同油脂部份一齊食特別好味豬鞍扒好厚身，表面有網紋，不過我覺得有點overcook，切既時候都要用點力，唔太軟腍，比較乾同柴，而墊底既雜菇份量都唔少，味道幾好，配有大量牛肝菌醬，但菌味大大提升燒原隻慢煮墨西哥春雞 $238 7.5/10燒春雞大大隻，份量相當夠，性價比幾高因為係慢煮既關係，雞胸肉仲有少少粉色，不過食落去係熟咗既，口感有咀嚼感。雞皮燒得略微焦掉，最推薦雞腿肉，有鮮嫩肉汁爆出配搭既墨西哥醬汁有加入辣椒洋蔥粒，點埋就有微辣清新感覺，同雞胸食就最提升到味道。