沙嗲軒

Item: 沙嗲軒
Rating: 5
Author: KesterMaMa

Satay Inn

3.5

33 食評

味道

環境

服務

衛生

抵食

2536

黃竹坑

$201-400

新加坡菜酒店餐廳咪嘥嘢食店

複製到剪貼簿

資訊:
餐廳:	沙嗲軒

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

KesterMaMa

等級4

240

國慶日，中西區好多地方都封路，我又唔想同人迫，於是選擇咗去富麗敦酒店嘅沙嗲軒食晚飯。上次到訪係中午時份，可以欣賞到窗外優美嘅海景。今次食晚飯，反而有機會focus返室內嘅裝修及花卉裝飾。大型嘅熱帶植物同鮮豔嘅花朵擺設於餐廳嘅各個角落綻放，營造出一種綠意盎然嘅氛圍，好似喺一間美麗嘅溫室之中用餐，既和諧又舒適。🔶沙嗲軒家庭拼盤 (4位用) $988 - 沙嗲雞肉及豬肉串 (8串)、咖喱角 (4件)、椰香咖喱牛腩配印度千層油酥餅、招牌海南雞 (半隻)、雞油飯上次咖喱角無貨，今次終於試到啦！咖喱角好大隻，入面塞滿香濃嘅餡料，不過酥皮略為油膩，食一隻都已經可以好飽。海南雞去晒骨，啖啖肉，肉質鮮嫩。咖喱牛腩個汁好香濃，沾油酥餅一齊食，真係好惹味。沙嗲串燒以多種香料及調味料醃製，外層烤得金黃微焦，香氣使人難以抗拒，所以之後我哋再追加左半打沙嗲雞（$188）🔸辣椒花甲配饅頭 $248 - 餐廳特別推介嘅食物。花甲用辣椒醬汁悶炒。辣椒醬非常惹味，同chili crab 好相似，都係由辣椒、蒜、薑、番茄醬、同雞蛋組成，酸甜辣完美融合。炸饅頭鬆軟，蘸取鮮味辣椒汁，真係值得試試。🔸肉骨茶 (黑湯) $148

國慶日，中西區好多地方都封路，我又唔想同人迫，於是選擇咗去富麗敦酒店嘅沙嗲軒食晚飯。

上次到訪係中午時份，可以欣賞到窗外優美嘅海景。今次食晚飯，反而有機會focus返室內嘅裝修及花卉裝飾。大型嘅熱帶植物同鮮豔嘅花朵擺設於餐廳嘅各個角落綻放，營造出一種綠意盎然嘅氛圍，好似喺一間美麗嘅溫室之中用餐，既和諧又舒適。

🔶沙嗲軒家庭拼盤 (4位用) $988 - 沙嗲雞肉及豬肉串 (8串)、咖喱角 (4件)、椰香咖喱牛腩配印度千層油酥餅、招牌海南雞 (半隻)、雞油飯

上次咖喱角無貨，今次終於試到啦！咖喱角好大隻，入面塞滿香濃嘅餡料，不過酥皮略為油膩，食一隻都已經可以好飽。海南雞去晒骨，啖啖肉，肉質鮮嫩。咖喱牛腩個汁好香濃，沾油酥餅一齊食，真係好惹味。沙嗲串燒以多種香料及調味料醃製，外層烤得金黃微焦，香氣使人難以抗拒，所以之後我哋再追加左半打沙嗲雞（$188）

🔸辣椒花甲配饅頭 $248 - 餐廳特別推介嘅食物。花甲用辣椒醬汁悶炒。辣椒醬非常惹味，同chili crab 好相似，都係由辣椒、蒜、薑、番茄醬、同雞蛋組成，酸甜辣完美融合。炸饅頭鬆軟，蘸取鮮味辣椒汁，真係值得試試。

🔸肉骨茶 (黑湯) $148 - 湯底由多種藥材同香料熬煮而成，香氣撲鼻，肉質嫩滑多汁滋味。有配埋油炸鬼，索晒啲汁，成口都充滿精華。

如果想要逃離城市繁忙嘅節奏，沉浸在一個綠意盎然嘅熱帶花園中，大家不妨去沙嗲軒試吓！