越南牛肉粉專門店 (已結業)

今日三點幾經過呢間越式餐廳，就坐低入去試下，唔知係咪年初4， 所以冇下午茶。同老婆每人叫左一碗加飲品。香茅雞翼撈檬 凍檸茶 54蚊， 三隻雞翼平平無奇，炸到入面乾晒冇肉汁，撈汁少酸正常，檬粉普通。而杯凍檸茶勁難飲， 冇茶香，唔掂。牛坑楠河 凍奶茶57蚊，牛坑楠遍少，3大1少，過份瘦，冇乜肉味，而河粉份量太少，而湯底冇味的又水汪汪，都幾鬼差下，凍奶茶普通野。呢間野，咁唔就腳，仲貴過大商場既價錢，仲要難食到爆炸，真係可以永遠bad list。