影片
更多
2011-10-12
48 瀏覽
已經接近半夜十二點，但係文輝入面，仍然坐著好多人，係一個角落，搵到嗰吉位，一坐低，就叫咗碗冬菇雞絲米，一碗食咗廿幾年都唔厭嘅靚米粉，再加多罐可樂。廿幾年來，文輝嘅汽水依然唔夠凍，亦冇樽裝可樂，但係依舊都要一罐。文輝嘅粉麵，如果同其他有d名氣嘅粉麵舖比較，一碗幾乎比得上人家兩碗嘅份量，銀芽擺係底，米粉係中間，上面就鋪滿雞絲和冬菇絲，再灑d蔥花同芫茜係面，非常豐富。我唔食辣，所以冇加辣椒油，反而必加魚露，其實文輝所用嘅魚露，並非什麼秘製醬汁，只係坊間某黃色招紙嘅泰國魚露，你我都可以輕易買到，但係呢支魚露與文輝嘅米粉就特別合拍。嗰湯底冇什特別，但加咗幾滴魚露，份外有一陣香味；米粉算爽，唔腍，雖然不及華姐咁爽，但係已經唔錯；銀芽非常爽口，新鮮，份量都唔少，夾雜與米粉一起食，更加有爽脆嘅感覺；雞絲並非切成絲狀，而係好似手撕雞咁嘅條狀，主要係雞胸肉，肉質並唔滑，但唔韌，味帶微鹹，與米粉和銀芽都好合襯，好食；至於冬菇，亦都係切成簿片狀，並非切成絲狀，有嚼頭，而且文輝係用大冬菇切薄片，並非用細隻冬菇仔，所以特別有香味。$29一大碗米粉，非常抵食，睇勻成個價目表，除咗紫菜八寶粉外，全部河粉都係$26至$
廿幾年來，文輝嘅汽水依然唔夠凍，亦冇樽裝可樂，但係依舊都要一罐。
文輝嘅粉麵，如果同其他有d名氣嘅粉麵舖比較，一碗幾乎比得上人家兩碗嘅份量，銀芽擺係底，米粉係中間，上面就鋪滿雞絲和冬菇絲，再灑d蔥花同芫茜係面，非常豐富。
我唔食辣，所以冇加辣椒油，反而必加魚露，其實文輝所用嘅魚露，並非什麼秘製醬汁，只係坊間某黃色招紙嘅泰國魚露，你我都可以輕易買到，但係呢支魚露與文輝嘅米粉就特別合拍。
嗰湯底冇什特別，但加咗幾滴魚露，份外有一陣香味；米粉算爽，唔腍，雖然不及華姐咁爽，但係已經唔錯；銀芽非常爽口，新鮮，份量都唔少，夾雜與米粉一起食，更加有爽脆嘅感覺；雞絲並非切成絲狀，而係好似手撕雞咁嘅條狀，主要係雞胸肉，肉質並唔滑，但唔韌，味帶微鹹，與米粉和銀芽都好合襯，好食；至於冬菇，亦都係切成簿片狀，並非切成絲狀，有嚼頭，而且文輝係用大冬菇切薄片，並非用細隻冬菇仔，所以特別有香味。
$29一大碗米粉，非常抵食，睇勻成個價目表，除咗紫菜八寶粉外，全部河粉都係$26至$30，睇黎老闆都好克制，把價錢都盡量維持係$30以內，值得嘉許。
張貼
