轉角‧見

營業中

休息中

每次去轉角 • 見，總係大排長龍，無他，因為食物性價比高。上次去叫咗經典牛堡，呢度嘅漢堡比較特別嘅地方，係洋蔥唔係生嘅而係炒過，較為香口，另外，蔬菜方面，唔係剩係得塊生菜，而係有幾款沙律菜，再加埋番茄同酸青瓜，鍾意蔬菜嘅應該覺得好豐富，不過同時水份亦都較多，食嘅時候漏哂出嚟，有啲狼狽😂。當然，漢堡扒質素亦頗高，牛味夠，配埋芝士，味道偏濃，幸好有大量蔬菜中和。叫多杯正價飲品送薯條，我叫咗凍咖啡，認呢杯質素就稍遜，可能係熱咖啡就咁加冰落去整凍佢，上枱時杯飲品係室溫，要叫店員另外再畀冰我，不過加咗咁多冰，飲到一半，就已經好淡😂。