陳漢記 (已結業)

為左食個煲仔飯，你可以去到幾盡? 夜晚黎呢度食個煲仔飯，你就要排隊等入坐，好多時由排隊到食到個煲仔飯要超過一個鐘。天時熱或天時凍或落雨時都幾難受架。而且啲店員都唔多有禮貌，但都有好多人排住隊等食，連明星都會黎食。如果只係食其他野，唔係煲仔飯，就可以優先入坐，係食煲仔飯先要排隊咋。北菇滑雞煲仔飯加臘腸，飯大大煲，熱辣辣。北菇只有一片，雞就有好多，都幾有雞味。加臘腸有兩條，味道尚可。窩蛋免牛煲仔飯，朋友每次必點，貪佢大大塊免牛肉餅。水蟹粥就唔係成日有得食，睇佢有冇返貨。粥底綿滑，而水蟹應該係即劏，特別鮮味。呢度除左水蟹粥同煲仔飯出色，腸粉都好好食架。