華豐海鮮菜館

營業中

休息中

半夜收工前老友約去宵夜，就帶佢去公司附近的「華豐海鮮菜館」。呢間菜館向來水準頗為飄忽，但勝在開得夠夜，在觀塘區中是名符其實的深夜食堂。招牌菜百花鍋貼小裳菜是我每次必點的菜式，依然香口好味，蝦膠都幾彈牙。話就話係有小裳菜，其實你當佢係炸蝦餅會貼切D。難得今日個例牌的芝士海蝦伊麵底做出水準，個蝦唔係死蝦，蝦頭仍然充滿羔，至於個蒸肉餅就不過不失啦，放在荷葉上蒸也不太有荷香。其實此店食物OK，不過侍應叫極都唔應的態度，就令人頗為煩躁，肯定要扣分。