青藏牛肉麵 (已結業)

呢間青藏牛肉麵已經唔係我第一次去食，已經食咗好多次，鍾意食佢嘅原因，係因為佢嘅湯底夠特別，出面食唔到呢個味道。初時食嗰個湯底就比較清淡，有少少似清湯煮牛肉嘅火鍋湯底味，但係今次食個湯底係水準之上。今次食佢嘅湯底除咗個牛肉味之外，佢嘅香料味亦都好突出，未食嘅時候聞落去已經有陣陣嘅香料味發出，我估應該係一啲甘果嘅香料再加埋其他幾隻特別嘅香料煮制，飲落去嘅時候除咗個湯有香料嘅味道之外亦有好濃嘅牛肉味，比以前食更好味。再加上我最鍾意佢放喺面上面，嘅莞西同埋葱，每次都會放好多。而且牛肉配料嘅份量都好多，選用嘅牛肉雖然唔係話最靚嗰種，但係配合呢一個面，同埋呢個價錢食就覺得啱啱好。再要一題就係佢個面啦，我就揀咗拉麵，拒嘅拉麵似係自製的，較粗身，口感覺就係有少少黏身嘅，但係食落去口感又好好，同埋個湯底非常配合。本身今次諗起想食牛肉麵就特登過去食，但係喺呢一條行一邊其實有好多間食肆，我有睇吓，望吓，睇吓，望吓咁樣，其實都有想去試吓其他，好彩我亦都行到最後，再去食試一試呢個青藏牛肉麵，果然無令我失望！