尚上下夏 - 養生雞煲火鍋 (已結業)

今晚正好食打邊爐時候，北風吹起。山林道出名多火鍋店，揀選呢間因為夠平民化，店內環境有大排檔感覺，但又乾淨衛生，舒服。食物質量也非常滿意。服務態度也可讚，經常留意客人的需要。牛肉係打邊爐靈魂，原先叫極品級沒有來貨，只好食頂級嚟款，估唔到有意外驚喜，紋理均稱，肉質軟腍，好正。蟶子皇好鮮甜，價錢好抵食。手打墨魚丸有質素，彈牙，有墨魚香。准山爽脆，有營養之選。竹笙吸收湯精華，滋味。湯底芫荽皮蛋十分清甜，跟配料最夾味。