海天花園酒家

營業中

休息中

今天四位大人來到海天飲茶。今日星期六，所以等位都正常。等咗大約十分鐘就有位坐。呢間酒樓好大，所以位坐滿哂，可想而知幾多人幫襯！我哋上左一樓食同等位。雖然坐滿人，但每張枱都幾大張，坐得舒服！因為我哋唔算太肚餓，所叫嘅嘢就唔係話好多。所有食物都好有水準，例如：叉燒腸粉，好滑好嫩；蝦餃，皮薄、蝦新鮮；蛋撻，曲奇皮夠鬆脆，好食；鳯爪排骨煲仔飯，份量多，餸亦多，抵食！ 總括嚟講，海天 食物價格算便宜，環境好，望到海，幾正 ！但食物選擇唔係好齊全，例如鮮蝦腐皮卷、流沙包同菜肉包都冇。服務一般，有時舉手好耐想嗌人，等好耐都冇人理 。可能星期六忙啦，所以問題不大嘅。一定會再幫襯，希望呢間餐廳可以保持水準！  四人食咗一共近400蚊！平！