錦尚甜 (清風街)

營業中

休息中

發生咩事呀，一直以來食開嘅甜品店竟然水準下滑左好多。話說以前每個星期三喺附近食完晚飯，就會嚟呢間甜品店食芒果椰汁小丸子。以前覺得依間甜品店水準好高，好食過許留山好多，而且只係$30幾，又抵食又好食。點知一排冇黎，今日再嚟試，唔知係咪轉左店主定係乜嘢原因，我嘅芒果椰汁小丸子嘅汁底竟然變得非常稀，好似水咁，真係欲哭無淚。另外仲叫咗野紫米露加芋丸，紫米露睇得出有少少水還水，紫米露還紫米露，而且個致命傷係一食落去就覺得太甜，係嗰種死甜嘅感覺。總括嚟講呢餐食得比較失望，希望依間小店快啲重拾水準。