泰玖 (已結業)

今日入到荃灣約咗friend都唔知食咩，行到嚟街市對面竟然見到間得意嘅泰國菜，其實就唔係好肚餓，所以就入嚟試吓。冇乜叫啲飽肚嘅嘢，諗住食吓啲小食傾吓偈叫咗個泰式拼盤，有齊雞卷、蝦卷、魚餅、雞翼，額外就叫咗個泰式明爐檸檬鮮魷魚，因為我個friend想飲嗰個泰式檸檬湯🤣個小食拼盤又真係幾大份，冇諗過佢咁大件，每一件蝦餅魚餅雞卷，都係份量十足，果然兩個人都真係唔可以叫太多，但係如果幾個人一齊食，又啱啱好share到。另外個明爐魷魚，個檸檬湯真係好正，真係嗰啲好酸酸辣辣嘅泰式湯，其實魷魚冇乜點食，就不停喺度飲個湯汁，鍾意酸辣嘅一定會好鍾意喱個汁。