佳記餐廳

營業中

休息中

一間茶餐廳嘅水準高與低，重點一定係睇吓佢哋小炒鑊氣夠唔夠。所以我決定一試佢哋嘅鐵板肉絲炒麵，坦白講一上枱嘅時候聽到有鐵板傳來的蒸氣聲，已經令人食指大動，呢個細節位真係值得一讚。因為出面大部份做肉絲炒麵嘅都只不過係碟上，呢度用鐵板上效果真係會更理想。面底亦都炸得唔錯，配合肉汁，不期然好快就會將整整一碟食曬。所以單以呢一碟炒麵來計，呢一間店有細心位亦值得推介。但地點位於旺區當然大家要面對嘅，包括姐姐嘅服務態度好一般，地面亦略為污糟，但這是一般港式茶餐廳的通病。如果這些都接受到的話，這間絕對是屬於水準以上的茶餐廳。