影片
更多
2025-04-12
97 瀏覽
太子喺九龍區入面少有寧靜嘅區分，尤其是喺花墟附近，兩邊的建築物都唔算高，所以俾到你喺市區享受到一種廣闊嘅感覺。呢度附近Chill嘅食肆都有唔少，好似今次我去呢間Chill Pill cafe，喺太子站或者旺角東站行過去都唔使5分鐘，店外邊嘅裝潢佈置有一種日本咖啡室嘅感覺，裏面嘅燈光好柔和，再加上一啲精緻嘅擺設，令你一入門口就已經覺得放鬆。餐廳嘅食物有少許和式西餐嘅感覺，今次叫嘅二人餐，可以有一款小食一個主菜同埋一個澱粉質類食物可以揀，餐廳仲好細心有素食選擇。我就叫咗一個沙律碗做前菜，沙律碗份量十分豐富，有蕃茄南瓜及紅薯做配料，配上生菜及藜麥，營養豐富之餘顏色都好漂亮，依間餐廳好鍾意放食用花，令到食物嘅擺設美觀好多。主菜我要咗美國頂級牛小排，呢度嘅牛小排佢會幫你切開一小塊，方便大家一邊傾偈一邊食，牛扒煎得剛剛好，再點啲醬汁非常美味，特別喜歡嘅就係配菜蘆筍煎得好香。嚟到Cafe梗係要食甜品，呢度嘅二人餐包埋一個甜品，我叫咗宇治抹茶牛角窩夫，牛角窩夫就係將牛角包壓成窩夫形狀，咬落去有窩夫嘅煙靭又有牛角包嘅香味，再點上綠茶雪糕去食，一冷一熱口感非常豐富。呢個餐仲包埋兩杯飲品同餐湯，必定可以令到
餐廳嘅食物有少許和式西餐嘅感覺，今次叫嘅二人餐，可以有一款小食一個主菜同埋一個澱粉質類食物可以揀，餐廳仲好細心有素食選擇。我就叫咗一個沙律碗做前菜，沙律碗份量十分豐富，有蕃茄南瓜及紅薯做配料，配上生菜及藜麥，營養豐富之餘顏色都好漂亮，依間餐廳好鍾意放食用花，令到食物嘅擺設美觀好多。
主菜我要咗美國頂級牛小排，呢度嘅牛小排佢會幫你切開一小塊，方便大家一邊傾偈一邊食，牛扒煎得剛剛好，再點啲醬汁非常美味，特別喜歡嘅就係配菜蘆筍煎得好香。嚟到Cafe梗係要食甜品，呢度嘅二人餐包埋一個甜品，我叫咗宇治抹茶牛角窩夫，牛角窩夫就係將牛角包壓成窩夫形狀，咬落去有窩夫嘅煙靭又有牛角包嘅香味，再點上綠茶雪糕去食，一冷一熱口感非常豐富。呢個餐仲包埋兩杯飲品同餐湯，必定可以令到你非常滿足。
張貼
