阿爺八鮮鍋 (已結業)

復活節假後，有排先長假，忍唔住同老公出去撐下枱腳。第一次係朋友帶過我去旺角阿爺八鮮鍋，之後黎過幾次，每次都覺得非常正，而且每次都有驚喜，難怪每次都比上一次人多！首先，今次第一個驚喜係燉湯用茶壺裝好，有個小火爐熱住，湯好清甜。第二驚喜，雞煲多咗泰式酸辣味，可惜我唔食辣，試唔到。第三個驚喜係湯底多咗蕃茄魚，要來打邊爐海鮮一流。仲有第四個驚喜，食完晒之後仲有果撻送作為甜，滿足埋你另一個胃。海鮮維持到好水準，入邊樣樣都大大隻，龍蝦肉非常爽口，肉蟹又爆膏。另外，這裡的配料也非常豐富，種類很特別，例如有期間限定的牛黃喉，牛白肉同豬天梯，好爽口。 安格斯肥牛牛味夠濃。鮑魚，蟶子都好新鮮。飲品任叫。期待下一次更多的驚喜。