影片
更多
2021-10-18
312 瀏覽
壽司郎紅到不得了，當初得佐敦一間分店，香港地幾乎所有人都湧去嗰度食，當初開咗三個月我一開門就去排都要排三個半鐘，過海食咗兩次之後懶得等得唔耐煩就去冇食，今年年頭係港島(屋企附近)開咗就心痕痕，而家基本上為咗限定Menu一個月都會食一兩次係上環開大半年左右食咗差唔多十五次左右，除咗有段時間怠倦期無人等之外(淨係試過兩次哈哈)，平日最快都要等半個鐘，最長等過三個半鐘差唔多四個鐘不過，品控&魚生水準同佐敦岩開嗰陣好大分別，肉眼睇得出hea好多，魚生切出黎一岩一忽明顯就唔係做開Japanese restaurant師傅切，懷疑開得太急請唔切師傅$12 蔥吞拿魚碎軍艦，平靚正$12 炙燒左口魚裙邊，油脂豐富嘅白身魚，飯同魚之間夾住半塊紫蘇(超愛紫蘇葉)，正到喊$12 長鰭吞拿魚，張圖嗰兩舊真係切得好樣衰，不過好嫩$22 兩舊鯛魚，都係切得樣衰，有三舊因為當時奧運贏獎牌搞special event加量唔加價送多一舊，鯛魚唔使多講，香港人摯愛嘅爽口白身魚$12 厚切長鰭吞拿魚腩，十月限定，又系切得好樣衰，而且食唔出同普通位嘅長鰭吞拿魚有咩分別$17 中拖 ，油脂豐富，但係一個月衰過一個月，越切越樣衰
係上環開大半年左右食咗差唔多十五次左右，除咗有段時間怠倦期無人等之外(淨係試過兩次哈哈)，平日最快都要等半個鐘，最長等過三個半鐘差唔多四個鐘
不過，品控&魚生水準同佐敦岩開嗰陣好大分別，肉眼睇得出hea好多，魚生切出黎一岩一忽明顯就唔係做開Japanese restaurant師傅切，懷疑開得太急請唔切師傅
$12 蔥吞拿魚碎軍艦，平靚正
$12 炙燒左口魚裙邊，油脂豐富嘅白身魚，飯同魚之間夾住半塊紫蘇(超愛紫蘇葉)，正到喊
$12 長鰭吞拿魚，張圖嗰兩舊真係切得好樣衰，不過好嫩
$22 兩舊鯛魚，都係切得樣衰，有三舊因為當時奧運贏獎牌搞special event加量唔加價送多一舊，鯛魚唔使多講，香港人摯愛嘅爽口白身魚
$12 厚切長鰭吞拿魚腩，十月限定，又系切得好樣衰，而且食唔出同普通位嘅長鰭吞拿魚有咩分別
$17 中拖 ，油脂豐富，但係一個月衰過一個月，越切越樣衰，每去一次魚質衰一次，好明顯係師傅唔識處理越黎越多筋⋯⋯咁樣好嘥料
$12 兩件赤蝦，十月限定優惠加量唔加價送多一舊，鮮甜爽口
$27 雪花和牛雙味，上年限定食過一次念念不忘，今年再返黎一定要食，太正每人食兩碟
呢種價錢食到呢種肉質嘅和牛其實冇咩野好講，但壽司郎最大嘅問題就係佢地拎貨嗰批海膽係發苦，完全冇鮮味之餘仲要苦到返尋味
$32 海膽拌麵，上面都有講過海膽苦到返尋味啦，但呢個海膽拌麵每次都會嗌黎食，想問明明都苦到返尋味點解仲要次次黎都嗌？因為除咗嗰幾舊苦嘅海膽之外，剩低嘅海膽調味醬同紫菜super creamy. Unbelievably tasty
缺點：發苦嘅海膽、紫蘇葉時有時冇
$27 黃鰭吞拿魚腩炸串 本來九月限定冇貨拖到十月，好少食熟嘅拖羅見幾得意嗌黎食下，好鞋好乾完全唔好食可能因為原本唔鍾意食天婦羅
$27一碟仲有一個原條海鰻好正好好食，大拖除咗壽司郎啱啱係佐敦開嗰陣油脂豐富入口即溶之外，之後每次都係勁多筋咬唔爛，麻麻
綜上所述，魚質真係越黎越差魚生越切越樣衰，海膽好苦好澀，大拖每次食都勁多筋，中拖由一開始冇咩筋到近期都開始有筋，唔知係你地師傅處理得唔好定買返黎嗰批拖羅原本就唔得掂？？
但！係！以呢種價錢黎講仲想點L樣，算系抵食而且每個月都會出新既限定Menu吸引人哈哈哈哈哈
張貼
