URBAN Cafe (駱駝漆大廈第一座)

營業中

休息中

可愛既貓貓係要成日見架~~~ 所以今次又係黎到URBAN CAFE同貓貓展開每月之約今次去觀塘分店，星期五係人頭湧湧，不過我地都超好彩安排到坐最出面既走廊位，可以多啲機會同貓貓玩~～一如以往，我地都係揀咗 CP 值最高既 2 人套餐 (如果D 款佢可以隔幾個月?轉一次就好了, 咁可以試下其他唔同款吖MA!) 2份 是日餐湯呢次係粟米忌廉湯，呢個好飲過南瓜湯好多！有粒粒嘅粟米好有口感～ 2份 是日沙律：清新清爽，配搭埋鮮甜嘅鮮果，更加開胃。夏威夷風情拉絲水牛芝士手工薄餅薄餅餅皮用人手做，口感更佳，而上面搽咗滿滿嘅羅勒薪茄醬，再加埋奶香濃郁嘅水牛芝士，而配料仲有香口嘅煙肉，酸甜嘅菠蘿，令薄餅嘅味道變得更加豐富。挪威煙三文魚溫泉蛋卡邦尼扁意粉：卡邦尼嘅意粉煮得啱啱好，軟硬適中，仲好掛醬汁，而溫泉蛋用咗日本嘅無激素雞蛋，將其撈勻於醬汁中，令醬汁更加Creamy，仲多添一份蛋味，而煙三文魚嘅味道同意粉整體好夾。特濃牛奶朱古力：朱古力味較預期嘅濃郁，甜度恰到好處。而牛奶令朱古力入口更順滑。