燒肉酒場 (已結業)

銅鑼灣登龍街有好多美食，今日想食燒肉，見到永光中心有間燒肉店。menu 有牛肉，豚肉，羊肉大盛，每個set 有六格，幾方便選擇。牛set 有厚牛舌，牛板腱，牛小排，牛肋條，橫膈膜同肉片，最鍾意牛舌，咬落好趙口。圓形韓式鐵板上慢慢燒肉，仲放咗椰菜，洋蔥，冬菇可以吸哂肉汁。生菜同薄餅包住肉類，薄餅可以喺個鐵板上煎一煎，即刻可以食多幾塊肉。朋友需要食啲飯落肚，order咗石頭煱，有飯焦好夠熱。飲品有日本信州支裝蘋果汁，夠解渴。