濃記車仔麵

營業中

休息中

當自己一個人吃飯時，就愛吃車仔麵。一個人容易搵位，一個人匆匆趕趕地吃，但卻是一種享受。呢一間店，睇住佢喺小舖做、堂食只有數個位置，到而家搬去大店，堂食有3、40個位置。味道保持水準，確實難得。每次都喜歡嗌冬菇，醃得夠入味；甜酸菜，好多車仔麵檔都沒有的選擇，加少少辣，開胃 ；滷水豬腸，入味，其實佢仲有一隻白色豬腸揀，但係從來冇揀過，可能覺得滷水顏色嘅豬腸先至係最正宗😬；麻辣雞翼尖，確實是有點辣，但是還可以接受，味道當然是好足夠的。其實佢仲有一個招牌吸引點，就係佢嘅麻辣菜脯，佢有落一啲櫻花蝦炒香，但係其實每次我都食唔到幾多，因為真係幾辣。如果食得辣嘅人，加埋落去，確實是一個大享受。湯底係豬骨湯底，未至於好濃，但是好夾到d 入味嘅餸。佢地係家庭式作業, 個個都好好禮貌, 都係街坊了。