影片
更多
2021-02-23
1477 瀏覽
今晚，我哋嚟到觀塘APM商場試試日式燒肉放題🔥🥩😋今日係星期日，我哋大約夜晚6點幾嚟到餐廳門口，已經見到好多好多人係門口等緊位😱 好彩餐廳門口設有排隊等位嘅電子取票系統，所以我哋拎咗張飛之後，就係商場一邊行街、一邊等檯，係手機睇叫號情況，非常方便👍🏻但係都要等咗一個鐘多啲先可以入座😆入座前要先揀定食邊個級別嘅燒肉放題，餐廳分別有三種級別可以選擇💁🏻♀️大人每位$229嚴選燒肉放題（小童$119）、每位$299豪華燒肉放題（小童$149）、每位$429極上和牛燒肉放題（小童$219），以上價錢未計加一服務費。我哋今日揀咗餐廳推薦必食推介😋👍🏻中間價錢級別每位$299嘅「豪華燒肉放題」，用餐時間有100分鐘。餐廳裏面環境唔算好大，座位有普通梳化長檯或卡位，如果咁啱被安排到卡位，會坐得幾舒服！每張檯都設有電子餐牌可以用嚟自己落單，方便快捷👍🏻大部分食物都有相片可以睇睇👀大概咩樣先至落單，亦會清楚顯示當日有咩款式係售罄。我哋今日食呢個每位$299級別嘅放題，都幾多嘢食可以選擇！肉類有牛肉🐮、雞肉🐔、豚肉🐷、羊架、海鮮（蝦、帆立貝、魷魚...）、仲有沙律🥗、即食前菜（如凍蕃茄、凍豆腐...）、燒
今日係星期日，我哋大約夜晚6點幾嚟到餐廳門口，已經見到好多好多人係門口等緊位😱 好彩餐廳門口設有排隊等位嘅電子取票系統，所以我哋拎咗張飛之後，就係商場一邊行街、一邊等檯，係手機睇叫號情況，非常方便👍🏻但係都要等咗一個鐘多啲先可以入座😆
入座前要先揀定食邊個級別嘅燒肉放題，餐廳分別有三種級別可以選擇💁🏻♀️大人每位$229嚴選燒肉放題（小童$119）、每位$299豪華燒肉放題（小童$149）、每位$429極上和牛燒肉放題（小童$219），以上價錢未計加一服務費。
我哋今日揀咗餐廳推薦必食推介😋👍🏻中間價錢級別每位$299嘅「豪華燒肉放題」，用餐時間有100分鐘。
餐廳裏面環境唔算好大，座位有普通梳化長檯或卡位，如果咁啱被安排到卡位，會坐得幾舒服！
每張檯都設有電子餐牌可以用嚟自己落單，方便快捷👍🏻大部分食物都有相片可以睇睇👀大概咩樣先至落單，亦會清楚顯示當日有咩款式係售罄。
我哋今日食呢個每位$299級別嘅放題，都幾多嘢食可以選擇！肉類有牛肉🐮、雞肉🐔、豚肉🐷、羊架、海鮮（蝦、帆立貝、魷魚...）、仲有沙律🥗、即食前菜（如凍蕃茄、凍豆腐...）、燒烤用蔬菜（菇、南瓜、菠蘿、蕃薯仔...）、🍜烏冬/拉麵/湯/飯、其他（牛舌、腸仔、雞軟骨串、牛腸...）。
每位$299豪華燒肉放題
71 瀏覽
0 讚好
0 留言
而且，飲品🥤和啤酒🍻都係免費任飲👏🏻有汽水、檸檬綠茶、韓國樂天忌廉溝鮮奶...等，啤酒得一款日本Asahi🍻
其中，最特別係呢間以🇯🇵日式網燒燒肉為主嘅餐廳，竟然混合咗韓式元素🇰🇷😆所以有韓式泡菜、韓式前菜小碟、韓式辣湯...等供應。而肉類方面亦細心分咗幾種調味可以選擇，包括：燒汁味、鹽醬味、韓式辣味🔥🥩
韓式前菜（放題）
40 瀏覽
0 讚好
0 留言
⚠️特別留意，餐廳提供生菜🥬，可以好似韓式燒肉咁包住啲🔥燒好嘅肉嚟食😋好清新、又可以解油膩👍🏻
包燒肉用「生菜」🥬（放題）
73 瀏覽
0 讚好
0 留言
講到食物嘅質素，肉類之中最高質嘅肉一定係「澳洲和牛拼盤」，🥩拼盤中有3種唔同部位，其中一塊大size和牛片🐮肉嘅油花分佈非常平均、食落非常有牛味、入口肥美😋 不過，呢個拼盤只得燒汁一種調味可以選擇，好彩燒汁醃味適中唔會太鹹/甜、亦唔會太濃而蓋過肉味。「澳洲和牛拼盤」真係encore 之選💪🏻
🐮澳洲和牛燒肉拼盤（放題）
45 瀏覽
0 讚好
0 留言
另外，第二樣最吸引嘅係「厚切和牛牛舌」，非常...非常好味💯😋👍🏻 牛舌好嫩、而且咬落好爽口，一啲都唔會韌，好難得放題可以食到咁高質嘅牛舌，一定要叫多幾碟食呀📣📣
🐮👅厚切和牛牛舌（放題）
24 瀏覽
0 讚好
0 留言
肉類之外其他食物，例如海鮮之中最好食係「魷魚仔🦑」幾新鮮、燒完仍然食到鮮甜味😍
🦑魷魚（放題）
29 瀏覽
0 讚好
0 留言
蔬菜之中，最好食竟然係燒「菠蘿🍍」😂🔥燒完之後啲糖份釋放哂出嚟，一咬落去爆汁💦超甜👍🏻
🍍燒菠蘿（放題）
27 瀏覽
0 讚好
0 留言
另外，我哋都試埋烏冬和日式豚骨湯拉麵🍜，屬正常水準，烏冬和拉麵嘅麵質都唔會煮得過淋，湯底味道適中，兩款都係細細碗size，唔洗驚太大碗食完即飽😆
烏冬、拉麵（放題）
21 瀏覽
0 讚好
0 留言
去到尾段，電子餐牌會貼心地不斷提示係離座前30分鐘就會截單。所以，如果仲未夠飽可以把握時間叫多幾輪‼️如果已經食飽飽嘅話，就可以直接叫店員上埋甜品🍨。
我哋中間價錢級別每位$299放題，會送每人一杯「Häagen-Dazs雪糕」🍨，需要叫店員落單，電子餐牌內無得自己點，今日有兩種味道可以揀：雲呢拿/芒果。
甜品🍨雪糕每人一杯
24 瀏覽
0 讚好
0 留言
🔆🔆🔆🔆🔆🔆🔆 總結 🔆🔆🔆🔆🔆🔆🔆
今次用餐🍴整體上幾好👍🏻性價比幾ok👌🏻😋會再翻兜✅
1️⃣ 餐廳裝修光猛企理、環境乾淨衛生✨
2️⃣ 店員態度有禮貌、收碟好快手🤵🏻♀️
3️⃣ 放題最緊要無漏單、上菜快，呢間餐廳都做到💪🏻
4️⃣ 食物質素每樣都好平均，唔會有特別差嘅食物😋
5️⃣ 食到尾段差唔多夠限時交檯，但店員都唔會催趕🏃♀️
張貼
