民華餐廳

營業中

休息中

#火腿炒蛋 配 #鮮茄叉燒通粉 🦆小編其實並唔係一個蕃茄怪，但如果食粉麵類個陣，如果有蕃茄湯底，我大部分時間都會揀啊！🍅喱度既蕃茄湯底超濃郁！令到🦆小編忍唔住飲完一啖又一啖，差唔多飲曬成碗啊超飽！😚而且叉燒通粉係我既常餐最愛！🐷不過喱度既叉燒係偏瘦既，同埋有少少乾🙊而火腿炒蛋，火腿正常發揮啦～但個炒蛋真係好滑，而且都算幾香蛋味，正👍🏻.#餐肉炒蛋 配 #沙嗲牛肉通粉 餐肉炒蛋都係唔會差啦😉而好多人都鐘意食既沙嗲牛肉通粉呢，🦆小編個朋友仔就話好好味啦！不過🦆小編覺得喱度既沙嗲醬有陣頗濃既花生味，對於偏好沙嗲辣味多於花生味既我就麻麻喇🙈但朋友仔話鐘意沙茶醬既大家都會鐘意喱度既沙嗲牛肉啊😋🐮.🏆 推薦：7.5/10📌 溫馨提示：屯門喱間既鋪面比較細，兩個人食既話好大機會搭枱啊！但冰室類既餐廳咁樣食會感覺到當中既人情味吧♥️😍