發記甜品

印象中發記好好食，所以見到呢間發記就衝左入去。點知中伏

三色芋圓楊枝甘露
呢個楊枝甘露一黎到就俾佢個顏色嚇親
好少柚子粒，又淡又稀，到底仲算唔算係楊枝甘露...
最差係芋圓，咬落完全無”in” “un”既口感，
好似雪左好耐霉霉地咁
芒果還好，正常。最後我地每人試左一啖就放棄

朱古力心大軟 配石板街雪糕
正常，內裏軟心做得唔錯，但無咩朱古力味
所謂的石板街雪糕同普通朱古力雪糕差不多

竹炭窩夫 配曲奇雪糕
窩夫完全無鬆軟既感覺，甚至有點乾！