飲茶‧私房菜 (南豐大廈) (已結業)

我地一行8人一早訂左位，當日亦提早到步拎位，結果一到門口已被黑面。到坐低左叫茶時請職員多上一壺熱水，結果茶到左但水係無，問左四次先得到一壺熱水。見到檯面貼住告示話可以自助用手機程式去落單既，見咁忙所以都係自助方便大家啦，費事再麻煩職員落單了。結果發現檯上既QR code不能使用既，要向職員拎既。咁一問職員，就又被黑面。以為佢行開去幫手拎我地檯號既QR code,結果再問一次之後就‘jip’一聲去拎俾我地。全個用餐過程其實都有種好趕客既感覺。旺角分店都好忙呀，但佢地既服務態度友善得多。