雞吧

營業中

休息中

少咗出去堂食，就自然多咗外賣，唔想成日食連鎖店，就搭多兩個站去咗石門嘅呢間「雞吧」買外賣炸雞返去！鋪仔細細但都幾多嘢食，除咗有8 款口味吧炸雞，仲有啲主食同沙律等等，多人套餐都相當吸引！今次就揀咗半半炸雞 - 甜辣炸雞同黑松露蛋黃醬炸雞同埋一啲小食～炸雞最吸引嘅地方係冇骨㗎！啖啖都係肉，好滋味，豬太郎就鍾意食甜辣口味多啲，食落香脆多汁，絕對唔輸比連鎖店呀！小食方面都唔係得雞類㗎，豬太郎揀咗肉鬆蛋餅加芝士，咬落Q彈好滿足！仲有惹味脆口嘅魷魚鬚，嘆返杯啤酒簡直冇得輸！