November+

營業中

休息中

位於上環嘅November 好近上環地鐵站E出口， 交通十分方便。 作為樓上cafe 佢環境十分舒適， 行嘅係日本小溫馨風格， 而且店舖裏面掛滿植物， 和暖嘅陽光曬入cafe, 感覺十分舒服。喺度嘅時候係兩點鐘， 啱啱好可以試佢嘅tea set。 我揀咗個煙肉班尼迪蛋， 等咗唔算好耐嘢食就已經送上， 十分欣賞佢嘅班尼迪蛋， 帶點點流心蛋汁同煙肉再加埋軟熟嘅麵包，味道十分正。 班尼迪蛋帶點點沙律菜做sides, 沙律菜好新鮮。有人方面揀咗椰果炭焙烏龍茶， 濃濃嘅烏龍茶配微甜嘅椰果， 味道新鮮又帶點點口感， 超級推薦。整體嚟講餐廳各方面都唔錯，服務質素亦都十分好，侍應殷勤有禮，絕對值得回顧。 呢度絕對係同朋友小聚之選。