影片
更多
2020-10-26
55 瀏覽
今日同朋友行街黎到港島，無意中搵到間好岩心水既餐廳：馬泰 Ma Thai！門口大大隻字，好易搵。入門裝修好有特色，見到好多泰國同馬拉既裝飾。呢到午市同下午茶都有set，好抵食，又包野飲。今日我地兩個人就叫左2個afternoon tea set加小食，飽到頂住肚走！軟殼蟹檬粉，可以見到一隻軟殼蟹係到，無偷工減料，蟹亦好出色，食落好濃味、夠脆，檬粉魚露同醋味岩岩好，唔會大酸。不過略嫌太少軟殼蟹。無骨海南雞喇沙，呢個勁抵食，海南雞嫩滑、大份，亦唔似得有啲餐廳白切雞當海南雞。喇沙都有驚喜，唔似得平時食咁係加椰漿，呢到反而加左辣醬，別有一番風味。鮮蝦米紙卷，入面有大大隻鮮蝦，好重香茅味，加埋啲醬汁，正呀！蝦餅唔似得其他好多泰國餐廳咁千篇一律咁用即食公廁蝦餅，呢到用蝦滑加上杏仁片，好濃郁蝦味，比預期出色，抵讚！紫米豆漿，好重紫米味，同豆漿又幾夾，而且入面有紫米蓉，飲既時候連埋啲蓉一齊食，好正！柚子蝶豆花梳打，望落已經好靚好舒服，飲落好fresh，柚子蜜味都好重，好有特色。最後埋單都唔洗200蚊，食到上面咁多野，好抵呀！
門口大大隻字，好易搵。
入門裝修好有特色，見到好多泰國同馬拉既裝飾。
呢到午市同下午茶都有set，好抵食，又包野飲。今日我地兩個人就叫左2個afternoon tea set加小食，飽到頂住肚走！
軟殼蟹檬粉，可以見到一隻軟殼蟹係到，無偷工減料，蟹亦好出色，食落好濃味、夠脆，檬粉魚露同醋味岩岩好，唔會大酸。不過略嫌太少軟殼蟹。
無骨海南雞喇沙，呢個勁抵食，海南雞嫩滑、大份，亦唔似得有啲餐廳白切雞當海南雞。喇沙都有驚喜，唔似得平時食咁係加椰漿，呢到反而加左辣醬，別有一番風味。
鮮蝦米紙卷，入面有大大隻鮮蝦，好重香茅味，加埋啲醬汁，正呀！
蝦餅唔似得其他好多泰國餐廳咁千篇一律咁用即食公廁蝦餅，呢到用蝦滑加上杏仁片，好濃郁蝦味，比預期出色，抵讚！
紫米豆漿，好重紫米味，同豆漿又幾夾，而且入面有紫米蓉，飲既時候連埋啲蓉一齊食，好正！
柚子蝶豆花梳打，望落已經好靚好舒服，飲落好fresh，柚子蜜味都好重，好有特色。
最後埋單都唔洗200蚊，食到上面咁多野，好抵呀！
張貼
