爺爺雞飯 (金百利中心) (已結業)

星期五晚同朋友仔嗌咗個二人餐，餐廳裝飾好靚，環境闊落！胡麻雞絲粉皮雞肉切成細絲加上薄薄的粉皮,再淋上一層濃郁的芝麻醬汁,口感軟嫩又彈牙！椒鹽豆腐平時食開嗰啲細細粒，今次大大粒嘅！外層炸得金黃酥脆,而入面嘅豆腐則保持到嫩滑的口感，完全做到外脆內軟😋咖央多士必食啦！多士外層煎至金黃酥脆，餐廳好大方，咖央醬同牛油都落足！超滿足😍爺爺海南雞半隻都已經好大份！雞肉本身的質地非常出色,滑嫩多汁，配埋油飯真係好正😌馬來肉骨茶好正宗！係有小小中藥味，岩曬要補補身子嘅我😂蒜頭都係原粒放，味曬啲味好好食😍甜品我哋嗌咗椰子同榴連味雪糕，兩個味道好出色，好有果香 🥥