馬拉公公

營業中

休息中

是日收早，諗住買外賣返屋企。通常諗唔到食咩就會去雅都商場呢條美食街。見到馬拉公公都有好多選擇，今日又想食辣，一於試下呢間啦。估唔到舖頭細細，有好多食物選擇。眼花撩亂嘅關係，最後都係叫店主推介俾我。咖喱魔鬼魚$52白咖喱豬頸肉滲滲 $46 (轉白飯)咖喱都好足料，有洋葱、青瓜絲、茄子、豆角同埋主角魔鬼魚。汁底好香，魚就炸過再放落去煮。辣辣地幾惹味，送飯一流。白咖喱豬頸肉嘅醬汁比較杰，微辣。因為鍾意汁撈飯嘅關係，轉埋白飯。豬頸肉爽口，唔會韌。同店主傾開計先知道原來佢爸爸係馬拉人。店舖嘅醬汁都係馬拉調較完再運嚟香港。想食正宗馬拉口味嘅就要嚟試下啦。