李家 (山林道)

營業中

休息中

最近成日聽APT，聽到有啲掛住韓國。聽朋友講呢間係韓國人主理嘅餐廳，仲係香港第一間韓式炸雞，即刻book枱試試佢。店員似係韓國人，好努力用廣東話招呼，充滿笑容，態度非常好。 ✦ 半半有骨炸雞 (原味/甜辣) 半半炸雞有好多口味可以選擇，但千揀萬揀都係揀返招牌。炸雞上枱熱辣辣，外皮炸到脆卜卜，好香口。雞肉保持到有肉汁、嫩滑。甜辣炸雞嘅醬汁好濃郁，辣度可以接受，幾惹味。 ✦ 芝士辣雞炒年糕飽滿濃郁嘅芝士，拉晒絲，賣相令人肚餓。年糕相當煙韌，好有口感。加埋青椒味，感覺冇咁濟。雞肉份量充足。兩個人食唔晒。 飲品嗌咗橙味/桃味果汁，果味濃郁，冇乜人工味。