新羅寶韓國餐廳 (利舞臺廣場)

營業中

休息中

該店最大特色是提供傳統韓國料理 ， 食客可選擇韓式鐵板燒 、 套餐或火鍋 。 而其海鮮及蔬菜均每星期由韓國空運送到 ， 十分新鮮 。 聽講韓國巨星 Rain 哥哥嚟親香港都要包房食 ， 證明呢度好掂 ! 我一坐低 ， 部長姐姐就用韓文同我講嘢 ， 好似去咗韓國咁 ， 好地道呀 。 見到唔少韓國人嚟幫襯 ， 而呢度有 D 侍應講韓文 ， 有 D 講英文 ， 就喺無人識講中文 。 香味牛肉飯套餐， 裏面薄片嘅牛肉佔咗 2/3 碗 ， 又多又嫩又鮮甜 ， 洋蔥絲又爽口 ， D 汁又好好味 ， 白飯就好似珍珠米咁肥嘟嘟軟綿綿 。前菜 3 小碟 ， 包括 : 沙律 、 泡菜 、 菜乾 ； 韓式麵豉湯 ， 鹹咗 D D ； 飯後果 2 件橙 。 盤外面嗰碟係免費涼菜 ， 任攞任食 ， 酸酸辣辣爽爽哋 ， 好開胃 。 雜錦飯套餐 ， 佢話係素食 ， 但係背包姐姐夾到 D 細細粒嘅肉 ， 咁奇怪 ? 酒糟糖水 ， 一粒粒白米再加 2 粒菘子 ， 甜得嚟有 D 酸 ， 感覺好獨特 ， 係正宗韓式糖水 。