夜首爾

營業中

休息中

叫左泡菜餅，泡菜餅本身都小小辣，仲有配碟酸酸辣辣的沾汁，雖然望落同其他泡菜餅冇乜分別，但咬落去外脆內軟，仲要凍左之後個口感都仲係一樣，雖然有少少油膩，但幾好食。鮑魚粥都好出色。雖然外表唔討好，屎綠色咁樣，但係味道同韓國食既鮑魚粥好似，係爭在無咁多鮑魚，多返啲鮑魚肉就好d. 叫咗蔘雞湯，隻雞入面有糯米同紅棗，配埋人蔘雞湯，食完成個人暖笠笠，依家冬天食啱晒。餐廳位置都算闊落同乾淨，食物嘅質素同份量，都對得起佢八折咗之後嘅價錢。如果冇八折，我就覺得有少少貴。