韓珍 (帝國中心) (已結業)

甫踏入餐廳，就有種重返首爾的感覺，老闆及部份店員均為韓國人，服務親切殷勤。🥗前菜沙律、泡菜、青瓜、枝豆配鹹魚仔、芽菜、鵪鶉蛋，每樣都好有韓國風味😆🦀醬油蟹 ($250)蟹肉鮮甜十足，呈燈黃色的蟹膏滿滿，醬油蟹每日新鮮製造，空口食都唔會過鹹，亦唔會有腥味🤤蛋黃紫菜飯帶着麻油味，放在蟹膏上，紫菜飯的鹹香伴入蟹膏的鮮味，絕對是白飯神偷🤣八方美人 ($588)共有八款海鮮及肉類：包括牛舌、雪花牛肉、豬頸肉、護心肉、豬頰肉、醬油雞肉、烤大蝦、鮮鮑魚🐷護心肉算係豬嘅稀有部位，係橫膈膜同肝之間嘅筋肉，食落有嚼勁亦不會肥膩🐮 雪花牛肉脂肪分布平均，牛味很重，厚薄適中，食落入口即溶🦐大蝦肉質彈牙，燒埋個蝦頭，有好多膏🤤👅薄切牛舌邊位咬落有少少脆，入面就有少少嫩，非常爽口😋店員幫忙把鮮鮑魚烤得恰到好處，肉質軟腍得嚟又有少少咬口🥬將啲肉加入生菜，再配埋蒜頭🧄等其他配菜，口感豐富。🍳跟餐亦附送蛋餅，上碟時熱辣辣香噴噴，記住要快啲食喔🤤💁🏻‍♀️餐廳滿座，店員應接不暇，但都會主動幫你翻一下肉、燒蝦剝殼、換燒烤網👍🏻雖然大部份人都係食燒肉，店內油煙抽氣極佳，食完都唔會成陣味。