李家 (山林道)

營業中

休息中

今日下晝同屋企人行下尖沙咀，順便去附近搵下野食。屋企人話想食韓國菜，咁岩果邊有間叫李家既韓國菜，好耐之前有聽朋友推介過，話呢間係韓國人主理既香港第一間炸雞店好出名又好食，所以我地都決定食呢間。我地叫左兩支蘋果西打麗塔🩷🩷🩷🩷🩷佢係蘋果酒整成沙冰既酒精飲品，依家呢個天氣飲真係好爽。原本想叫炸雞，但屋企人比相吸引左想食鐵板燒多啲，所以叫左個鐵板炒泡菜豬肉🩷🩷🩷🩷🩷加埋佢既豆腐。佢個豆腐加左啲麻油好香，又夠滑份量都好多。夾埋啲泡菜辣豬肉食辣辣地真係好惹味👍🏻仲叫左個韓式粉絲炒牛肉🩷🩷🩷🩷🩷佢炒得好夠鑊氣，而且佢啲牛肉同配菜都好足料，甜甜地好岩香港人口味。下次再食佢個炸雞真係飽到食唔到了。