影片
更多
2023-05-14
10 瀏覽
尖沙咀嘅金巴利道一向都好多買韓國野嘅鋪頭同餐廳，見到有個韓國人老闆企係餐廳門口做生招牌，一於就去南대門試下正宗嘅韓國菜。 南대門有兩鋪，一間主要食韓燒，另一間就食其他韓國料理，要睇清楚先好入啦。一來就先送上三碟韓國小菜，泡菜豆角同薯仔,仲有生菜同醬料。黎到依間主打韓燒嘅餐廳當然要燒肉啦，分別叫左醬醃板腱肉同辣醬五花肉，上枱時見到兩份嘅份量都好多。板腱肉本身切成粒粒，唔洗燒好耐就食得，咬落充滿肉汁。而五花肉就有成三大塊，燒到熟再剪成細份，就唔會燒到太乾，食落仲保留到肉汁同油香。包住生菜一齊食就岩岩好，食落冇咁油膩。另外如果有多啲人一齊燒肉，想試多幾種唔同嘅肉嘅話，仲有set可以選擇，見到份量都超澎湃。 仲叫左份牛肉大醬湯配飯，大醬湯飲落好易入口，有好多嘅翠玉瓜豆腐同牛肉，牛肉亦都好重肉味，煮好熱辣辣就上枱，非常好下飯。食完個大醬湯之後，令我好想試埋另一間嘅韓國料理呀😋
尖沙咀嘅金巴利道一向都好多買韓國野嘅鋪頭同餐廳，見到有個韓國人老闆企係餐廳門口做生招牌，一於就去南대門試下正宗嘅韓國菜。 南대門有兩鋪，一間主要食韓燒，另一間就食其他韓國料理，要睇清楚先好入啦。
一來就先送上三碟韓國小菜，泡菜豆角同薯仔,仲有生菜同醬料。黎到依間主打韓燒嘅餐廳當然要燒肉啦，分別叫左醬醃板腱肉同辣醬五花肉，上枱時見到兩份嘅份量都好多。板腱肉本身切成粒粒，唔洗燒好耐就食得，咬落充滿肉汁。而五花肉就有成三大塊，燒到熟再剪成細份，就唔會燒到太乾，食落仲保留到肉汁同油香。包住生菜一齊食就岩岩好，食落冇咁油膩。另外如果有多啲人一齊燒肉，想試多幾種唔同嘅肉嘅話，仲有set可以選擇，見到份量都超澎湃。
仲叫左份牛肉大醬湯配飯，大醬湯飲落好易入口，有好多嘅翠玉瓜豆腐同牛肉，牛肉亦都好重肉味，煮好熱辣辣就上枱，非常好下飯。食完個大醬湯之後，令我好想試埋另一間嘅韓國料理呀😋
張貼
